Birlashgan Arab Amirliklari ikki yil ichida davlat xizmatlarining 50 foizini avtonom sun’iy intellekt tizimlariga o‘tkazishni rejalashtirmoqda. Tashabbus prezident Muhammad bin Zayed Al Nahayon topshirig‘i bilan amalga oshirilmoqda.
Bosh vazir Muhammad bin Roshid Al Maktumga ko‘ra, yangi model «agentlik» SI tizimlariga asoslanadi. Ular inson aralashuvisiz vazifalarni bajarish, jarayonlarni boshqarish va qaror qabul qilishda ishtirok etadi.
Yangi tizim xizmatlar sifatini oshirish, samaradorlikni kuchaytirish va natijalarni real vaqtda baholash imkonini beradi. Shuningdek, amaldorlar faoliyati SI joriy etish sur’atiga qarab baholanadi.
Mutaxassislar bu islohotni davlat boshqaruvidagi eng yirik transformatsiyalardan biri deb baholamoqda.
