Vazirlar Mahkamasi huzuridagi Atamalar komissiyasi o‘zbek tili qoida va me’yorlari asosida shakllantirilgan 41 ta xorijiy atamaning rasmiy o‘zbekcha muqobilini tasdiqladi.
Jumladan, antrakt — tanaffus, banket — ziyofat, breket — tishsim, brend — xosnom, datchik — sezgich, dedlayn — so‘ngmuddat, dekoratsiya — sahnabezak, mikser — qorg‘ich, palatka — chodir, rakovina — chanoq, rasprodaja — arzonsotuv, suflyor — shivirchi, frilanser — erkin ishchi, emoji — hisbelgi, xeshteg — kalitso‘z, hostel — qo‘noquy deb belgilandi.
Qayd etilishicha, yangi atamalar davlat idoralari, rasmiy hujjatlar va ommaviy axborot vositalarida yagona terminologiyani ta’minlash maqsadida rasmiy muomalaga kiritiladi.
Tasdiqlangan atamalar rasmiy muomalada qo‘llanishi belgilangan.
