Вазирлар Маҳкамаси ҳузуридаги Атамалар комиссияси ўзбек тили қоида ва меъёрлари асосида шакллантирилган 41 та хорижий атаманинг расмий ўзбекча муқобилини тасдиқлади.
Жумладан, антракт — танаффус, банкет — зиёфат, брекет — тишсим, бренд — хосном, датчик — сезгич, дедлайн — сўнгмуддат, декорация — саҳнабезак, миксер — қорғич, палатка — чодир, раковина — чаноқ, распродажа — арзонсотув, суфлёр — шивирчи, фрилансер — эркин ишчи, эможи — ҳисбелги, хештег — калитсўз, хостел — қўноқуй деб белгиланди.
Қайд этилишича, янги атамалар давлат идоралари, расмий ҳужжатлар ва оммавий ахборот воситаларида ягона терминологияни таъминлаш мақсадида расмий муомалага киритилади.
Тасдиқланган атамалар расмий муомалада қўлланиши белгиланган.
