Buyuk Britaniya Bosh vaziri Kir Starmer 20 iyul kuni o'z lavozimini tark etdi. U iste'fosini Qirol Charlz III ga taqdim etdi va Dauning-strit qarshisida xayrlashuv nutqi bilan chiqish qildi.
"Men tez orada Oliy hazratlari huzuriga borib, undan iste'fomni qabul qilishini so'rayman va bosh vazirlik lavozimidagi faoliyatimni yakunlayman. Mening ishim tugadi", — dedi Starmer.
U shuningdek, "yengil xayol, tabassum va erishgan barcha yutuqlarimizdan faxrlanish tuyg'usi bilan" ketayotganini bildirdi.
Starmer 22 iyun kuni Leyboristlar partiyasi yetakchiligidan iste'foga chiqishini ma'lum qilgan edi. Shundan so'ng 17 iyul kuni Endi Byornem partiya yetakchisi etib saylandi. U 20 iyul kuni Qirol Charlz III tomonidan Buyuk Britaniya Bosh vaziri etib tayinlandi.
56 yoshli Endi Byornem 2017 yil mayidan 2026 yil iyuniga qadar Katta Manchester meri lavozimida ishlagan. U 2024 yilgi umumiy saylovlarda Leyboristlar partiyasining konservatorlar ustidan yirik g'alabasidan so'ng Buyuk Britaniya Bosh vaziri bo'lgan Kir Starmerning o'rnini egalladi.
Starmer 2020 yildan buyon Leyboristlar partiyasi yetakchisi bo'lib kelayotgan edi.
