Bugun, 11 avgust kuni Oʻzbekistonning ayrim hududlarida kuchli shamol va chang-toʻzon kuzatilishi mumkin. Bu haqda Oʻzgidromet xabar berdi.
Maʼlum qilinishicha, kunduz kuni Qoraqalpogʻiston Respublikasi, Buxoro, Navoiy, Toshkent va Samarqand viloyatlari hamda togʻli hududlarning ayrim joylarida shamol tezligi 9–14 metr/soniyagacha kuchayadi.
Shamol ayrim hududlarda chang-toʻzon bilan birga kuzatilishi mumkin.
Poytaxt Toshkentda ham shamol tezligi 12–14 metr/soniyagacha kuchayishi va ayrim joylarda chang-toʻzon koʻtarilishi kutilmoqda.
Shu sababli bugun Toshkent va yuqorida qayd etilgan hududlarda shamolli ob-havo kuzatiladi.
