O`zbekiston Respublikasi va Turkiya Respublikasi o`rtasida diplomatik munosabatlar o`rnatilganining 25 yilligi munosabati bilan ikki davlat rahbarlari bir-birini tabrikladi,deb yozadi O`zA.
“Turkiya Respublikasi va qardosh O`zbekiston Respublikasi o`rtasida diplomatik munosabatlar o`rnatilganining 25 yilligi munosabati bilan Siz, Janobi Oliylarini va qardosh O`zbekiston xalqini shaxsan o`z nomimdan va Turkiya xalqi nomidan samimiy tabriklayman va ezgu istaklarimni yo`llayman",— deyiladi Turkiya Prezidenti Rajab Toyib Erdo`g`onning qutlovida.
Rajab Toyib Erdo`g`on 2016 yil 18 noyabrda Samarqand shahrida o`tgan oliy darajadagi muzokaralar chog`ida o`zaro munosabatlarni kengaytirish borasida hamkorlikda ishlash to`g`risida erishilgan kelishuvlar amalga oshirilishiga ishonch bildirgan, Turkiya mamlakatlarimiz xalqlari farovonligi yo`lidagi hamkorlikni o`zaro ishonchli asosda ikki tomonlama, mintaqaviy va xalqaro miqyosda rivojlantirishga tayyor ekanini ta`kidlagan.
O`zbekiston Respublikasi Prezidenti Shavkat Mirziyoev qutlovida "1992 yilning mart oyida diplomatik munosabatlar o`rnatilgandan so`ng qisqa vaqtda, ya`ni o`sha yilning aprel oyida Toshkent shahrida Turkiya Respublikasi elchixonasi ochilgan"ini alohida ta`kidlagan.
Davlatimiz rahbarining tabrigida bunday deyiladi: "O`zbekiston hukumati delegasiyasining shu yil 26 fevral – 2 mart kunlari Turkiyaga tashrifi o`zaro kelishuvlarimizning mantiqiy davomi bo`ldi. Fursatdan foydalanib, mening vakilim bilan uchrashganingiz va alohida hurmat ko`rsatganingiz uchun Sizga samimiy minnatdorlik bildiraman".
Prezidentimiz O`zbekiston bilan Turkiya siyosiy-diplomatik, savdo-iqtisodiyot, investisiya, harbiy-texnik, sayyohlik, logistika va boshqa sohalarda o`zaro munosabatlarni rivojlantirish uchun hali foydalanilmagan va bir-birini to`ldiradigan ulkan salohiyatga ega ekanini qayd etgan. Shu nuqtai nazardan hamkorlikni kengaytirish va istiqbolli loyihalarni birgalikda amalga oshirish muhim ahamiyat kasb etadi.
O`zbekiston Prezidenti tomonlar birgalikdagi sa`y-harakatlar bilan keng ko`lamli va uzoq muddatli sheriklik munosabatlarini qardosh xalqlarimiz farovonligi yo`lida sifat jihatidan yangi bosqichga olib chiqishiga ishonch bildirgan.
01.04.2024, 09:13
Avval xabar qilganimizdek, yakshanba kuni Turkiyada mahalliy hokimiyatlarga saylovlar bo`lib o`tdi. Bayonnomalarning 93 foiz sanab chiqilganda, Respublika xalq partiyasi 37,4 foiz, hukmron Adolat va taraqqiyot...
18.03.2024, 10:30
Ozarbayjon, Turkiya va Gruziya tashqi ishlar vazirlarining uchrashuvi yakunlari bo`yicha Boku deklarasiyasi imzolandi.Bu haqda Ozarbayjon tashqi ishlar vaziri Jeyhun Bayramov Turkiya va Gruziya tashqi ishlar...
13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...
04.04.2023, 09:39
Turkiya prezidenti Rajab Toyyib Erdo`g`on Turkiyada ishlab chiqarilgan Togg T10X elektromobilining birinchi egasi bo`ldi. Bu haqda "Anadolu" xabar qildi. Anqaradagi Prezident majmuida avtomobil kalitlarini tantanali topshirish...
