​O`zbekiston Prezidenti Chilonzor tumanidagi ko`prik qurilishini videomonitor orqali shaxsan nazorat qilgan (Video)

Poytaxtimizning Chilonzor tumanidagi Bunyodkor va Muqimiy ko`chalari kesishgan chorrahada umumiy uzunligi 900, balandligi 6, kengligi 24 metr bo`lgan 6 polosali yo`l o`tkazgich qurilishi bitkazilgani haqida avvalroq xabar bergandik.

Ma`lumotlarga ko`ra, O`zbekiston Prezidenti Shavkat Mirziyoev ushbu yo`lo`tkazgich qurilishini onlayn rejimda shaxsan nazorat qilib turgan, bu haqda UzDaily.uz nashri xabar berdi. Bunga Prezidentning Facebook ijtimoiy tarmog`idagi hamda YouTube kanalidagi sahifasiga joylangan video guvohlik bermoqda.

“Boshqa yirik ob`ektlar qurilishi bilan bir qatorda ko`prik qurilishi jarayoni respublika rahbari tomonidan zamonaviy videomonitoring vositalari orqali shaxsan nazorat qilindi”, - deyiladi Shavkat Mirziyoevning Facebook tarmog`idagi sahifasida.

Ikki daqiqali videorolikdan 2 oy davomida olib borilgan Muqimiy va Bunyodkor ko`chalari kesishgan chorrahadagi qurilish jarayoni aks etgan.

Videoda qurilish 19 fevral kuni start olib, ushbu jarayon bir daqiqaga ham to`xtatilmaganligini guvohi bo`lish mumkin. Rolik 26 mart kuni, “Novza” ko`prigida avtomobil harakati ishga tushirilgandan so`ng yakuniga etgan