O`zbekiston Respublikasi Prezidenti Shavkat Mirziyoev 29 mart kuni mamlakatimizga amaliy tashrif bilan kelgan Rossiyaning «Gazprom» kompaniyasi boshqaruvi raisi Aleksey Millerni qabul qildi. Bu haqda O`zA xabar bermoqda.
Davlatimiz rahbari mehmonni qutlar ekan, mamlakatlarimiz o`rtasida neft-gaz sohasida uzoq muddatli va o`zaro manfaatli hamkorlik yuksak darajada rivojlanayotganini mamnuniyat bilan qayd etdi.
Bugungi kunda dunyodagi etakchi energetika kompaniyalaridan biri bo`lgan «Gazprom» O`zbekistonda geologiya-qidiruv ishlarini olib borish va istiqbolli uglevodorod konlarini o`zlashtirish bo`yicha yirik loyihalarni amalga oshirishda, shuningdek, tabiiy gazni eksportga etkazib berishda faol ishtirok etmoqda.
Rossiyaning ushbu kompaniyasi bilan hamkorlikda Ustyurtda o`tkazilgan keng ko`lamli geologiya-qidiruv tadqiqotlari natijasida "Jel" gaz kondensati koni ochildi. "Shaxpaxti" koni birgalikda o`zlashtirilmoqda. Hozirgacha u erdan 3,5 milliard kub metr gaz qazib olingan.
Bundan tashqari "Gazprom" Hisor hududida konlarni o`rganish va o`zlashtirish, qo`shimcha neft gazlarini utilizasiya qilish, shuningdek, mamlakatimizning tarmoqdagi etakchi loyiha instituti bo`lgan "O`zLITIneftgaz» faoliyatini rivojlantirishga doir loyihalarni amalga oshirishda ham ishtirok etmoqda.
Uchrashuvda O`zbekistonda neft-gaz sohasini rivojlantirish, jumladan, 2017-2021 yillarda uglevodorod qazib olishni ko`paytirish dasturi doirasida o`zaro manfaatli hamkorlikni yanada kengaytirishga qaratilgan istiqbolli loyihalar ko`rib chiqildi.
Mutaxassislar tayyorlash va ularning malakasini oshirish borasida o`zaro hamkorlik masalalariga alohida e`tibor qaratildi.
"Gazprom" kompaniyasi boshqaruvi raisi Aleksey Miller Prezident Shavkat Mirziyoevga samimiy qabul va hamkorlikdagi loyihalarni har tomonlama qo`llab-quvvatlayotgani uchun minnatdorlik bildirdi, O`zbekiston Respublikasi bilan keng ko`lamli hamkorlikni rivojlantirishga tayyor ekanini ta`kidladi.
21.04.2024, 17:45
Kelgusi haftada Rossiya Eronga 24 ta Su-35 qiruvchi samolyotini topshiradi. Bu haqda “The Wall Street Journal” nashri ma`lum qilgandi. Eronning bir qator OAVlarining xabar berishicha, Rossiya...
13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...
15.07.2023, 09:45
Samarqand viloyati Kattaqo`rg`on tumanida 1996 yilda tug`ilgan ayol Rossiyada ishlovchi eri bilan janjallashishi oqibatida ikki nafar voyaga etmagan qiz farzandlarini kaltaklab, uni tasvirga olib, eriga...
14.02.2023, 13:14
Rossiyalik qutqaruvchilar qidiruv-qutqaruv ishlari davomida Turkiyadagi turar-joy binosi vayronalarini tozalash chog`ida katta miqdorda pul topdi. Bu haqda Rossiya Favqulodda vaziyatlar vazirligi xabar qildi."Rossiya Favqulodda vaziyatlar...
