​“O`zbekiston” telekanalida “O`zavtosanoat” aksiyadorlik kompaniyasi faoliyati tanqidiy muhokama etiladi (Video)

“O`zbekiston” telekanalida 12 aprel, chorshanba kuni soat 20:05 da efirga uzatiladigan “Muloqot va manfaat” nomli tahliliy ko`rsatuvda “O`zavtosanoat” aksiyadorlik kompaniyasi faoliyati tanqidiy ruhda muhokama etiladi. Bu haqda Facebook’dagi “Xalq bilan muloqot” guruhi sahifasida ma`lum qilindi, deb yozadi “Daryo”.

Ko`rsatuvda, jumladan, quyidagi masalalar ko`rib chiqiladi:

Avtomobil sotib olishga shartnoma tuzish navbatining ochiq va oshkora emasligi;

To`lovlarni bank plastik kartochkasi orqali amalga oshirish muammo bo`layotgani;

Avtomobilni shartnomada ko`rsatilgan muddatda berilmayotgani;

Jismoniy shaxslar bilan tuziladigan shartnomalarda iste`molchilar huquqlarini cheklovchi va ishlab chiqaruvchilar manfaatiga xizmat qiluvchi shartlar kiritilganligi;

Yangi avtomobillarda bir qator nosozliklar mavjudligi;

Kreditga avtomobil sotib olishdagi qiyinchiliklar.

Ko`rsatuvda GM Uzbekistan bosh direktori vazifasini bajaruvchi Rustam Rajabov, GM Uzbekistan marketing, savdo va avtoservis bo`yicha boshqaruvchi direktori Muhiddin Sultonov, «O`zavtotexxizmat» MChJ boshqaruvi raisi Botirxo`ja Siddiqov, «Asaka» banki departamenti direktori Behzod Abduraxmanov, mazkur bank departament direktori o`rinbosari Farrux To`lavov, Davlat Raqobat qo`mitasi boshqarma boshlig`i Dilshod Azimov ishtirok etadi.