Rossiyada ishlashni xohlagan o`zbekistonliklarni migrasiyaga qadar tayyorgarlikdan o`tkazishni ta`minlash yuzasidan O`zbekiston va Rossiya o`rtasida mazkur loyihani tasdiqlash bo`yicha ratifikasiya tayyorlanmoqda, deb xabar berdi Ru.sputniknews-uz.com nashri.
Rossiya hududida ishlashni istovchi hamyurtlarimiz tartibli ravishda tanlab olinib, ishga joylashtirish ikki mamlakat o`rtasida tasdiqlangan “O`zbekiston respublikasi fuqarolarini Rossiya hududida vaqtinchalik mehnat faoliyatiga jalb qilish” loyihasi bo`yicha amalga oshiriladi.
“Mazkur bitim loyihasi O`zbekiston respublikasi fuqarolarini Rossiya hududida aniq manzilli ish bilan ta`minlash va ularning mehnat faoliyati boshlanishdan ilgari, migrasiyaga qadar tayyorgarlikdan o`tkazishni amalga oshirishga qaratilgan”, — deb yuqoridagi hujjatga izoh berdi Rossiya hukumati sayti.
Bunday tayyorgarlik migrantlar orasida Rossiyada ishga joylashish imkoni haqida axborotlar berishni, o`quv-metodik materillarga muvofiq Rossiya federasiyasi maorif vazirligi tavsiyasi bilan kompleks imtihon topshirishni va nazorat qilishni o`z ichiga oladi.
