Toshkentda 13 may kuni "Sog`lom ayol — sog`lom avlod" an`anaviy bahorgi ayollar velomarafoni bo`lib o`tdi.
Velomarafon har yili 15 may kuni nishonlanadigan Xalqaro oila kuni munosabati bilan o`tkazildi. Unda 18-30, 31-45 va 45 yoshdan yuqori toifalarda xotin-qizlar ishtirok etishdi.
Marafon g`oliblarni qutlash marosimi hamda san`atkorlarning chiqishlari bilan nihoyasiga etdi. O`zbekistonlik ayrim estrada yulduzlari va taniqli sportchilar ham velomarafonda qatnashishdi.
Ayollar marafoni O`zbekiston velosport federasiyasi va UNFPA hamkorligida tashkil etildi. Tadbirni o`tkazishdan asosiy maqsad ayollar o`rtasida sog`lom turmush tarzini targ`ib qilishdir.
