29 maydan GM Uzbekistan AJ yangi shartnomalar tuzish va avtomobillarni berishni vaqtinchalik to`xtatdi.
Mazkur to`xtatilish avtomobillar qoldiqlarini inventarizasiya qilinishi munosabati bilan amalga oshiriladi, deya xabar beriladi kompaniyaning Feysbuk ijtimoiy tarmog`idagi rasmiy sahifasida.
31 maygacha davom etadigan inventarizasiyadan so`ng to`langan shartnomalar bo`yicha avtomobillarni, tuzilgan shartnomalarda ko`rsatilgan narxlarda etkazib berish amalga oshiriladi.
Eslatma: xaridor tomonidan shartnomada ko`rsatilgan avtomobil narxining oldindan to`lanishi belgilangan minimal qiymati (85%) yoki to`liq qiymati to`langan holatda, avtomobil narxi to`langan hisoblanadi.
