Hindistonning shimoliy qismida joylashgan mashhur tog`-chang`i kurortida kanat yo`lidagi kabina qulashi oqibatida 7 kishi halok bo`ldi, yuzdan ortiq odam evakuasiyani kutmoqda, deb xabar berdi Tengrinews.kz nashri.
Nashrning xabar berishicha, voqea Gulmarg shahrida ro`y bergan. Kuchli shamol esishi oqibatida qulagan daraxt kanat yo`lining arqonini uzib yuborgan. Oqibatda kabinalar erga qulagan. Halok bo`lganlar orasida bir nafar gid va to`rt kishidan iborat oila a`zolari bo`lgan. Ayni paytda boshqa kabinadagilarni qutqaruv ishlari olib borilmoqda.
Gulmarg — Jammu va Kashmir shtatidagi mashhur tog`-chang`i kurorti hisoblanadi.
