Tramp “Truth Social” platformasida yozgan bayonotida operatsiya “mukammal bajarilganini” ta’kidlab, maqsad — “dunyodagi eng faol terrorchilardan biri”ni yo‘q qilish bo‘lganini bildirdi.
Uning so‘zlariga ko‘ra, o‘ldirilgan shaxs Abu-Bilal al-Minuki 2023 yilda AQSH tomonidan global terrorchi sifatida ro‘yxatga olingan. U IShIDning G‘arbiy Afrikadagi bo‘linmasiga aloqador guruhlarga rahbarlik qilgani aytiladi.
Nigeriya rasmiylari hozircha bu operatsiya yuzasidan izoh bermagan. Agar ma’lumot tasdiqlansa, bu IShIDning mintaqadagi tuzilmasiga jiddiy zarba sifatida baholanishi mumkin.
Tramp Nigeriya hukumatiga hamkorlik uchun minnatdorlik bildirib, bu operatsiya ekstremistik tarmoqlarning moliyalashtirish va boshqaruv tizimlariga putur yetkazishini ta’kidladi.
