Трамп “Truth Social” платформасида ёзган баёнотида операция “мукаммал бажарилганини” таъкидлаб, мақсад — “дунёдаги энг фаол террорчилардан бири”ни йўқ қилиш бўлганини билдирди.
Унинг сўзларига кўра, ўлдирилган шахс Abu-Bilal al-Minuki 2023 йилда АҚШ томонидан глобал террорчи сифатида рўйхатга олинган. У ИШИДнинг Ғарбий Африкадаги бўлинмасига алоқадор гуруҳларга раҳбарлик қилгани айтилади.
Нигерия расмийлари ҳозирча бу операция юзасидан изоҳ бермаган. Агар маълумот тасдиқланса, бу ИШИДнинг минтақадаги тузилмасига жиддий зарба сифатида баҳоланиши мумкин.
Трамп Нигерия ҳукуматига ҳамкорлик учун миннатдорлик билдириб, бу операция экстремистик тармоқларнинг молиялаштириш ва бошқарув тизимларига путур етказишини таъкидлади.
