Bangkok shahar markazidagi aeroport temiryo‘l stansiyasi yaqinida poyezd jamoat avtobusiga urilib ketdi, deb xabar bermoqda Tailand OAV.
Maʼlumotlarga ko‘ra, avtobus temiryo‘l kesishmasida qolib ketgan vaqtda yuk poyezd u bilan to‘qnashgan. Yuk poyezdi to‘xtab turgan avtobusga urilib, harakatda davom etar ekan, yaqin atrofdagi bir nechta transport vositalarini ham o‘zi bilan tortib ketgan. Natijada avtobus va bir necha transport vositalari olovga o‘ralangan.
Yong‘inni o‘chirish va qutqaruv guruhlari hodisa joyiga yetib kelib, vayronalar orasidan odamlarni chiqarish hamda alangaga qarshi kurash ishlarini amalga oshirgan. Mototransport haydovchilari va yo‘lovchilar esa yo‘l harakatini yo‘naltirishga yordam berishga harakat qilgan. Qutqaruv xizmatlari hodisa joyiga yetib kelib, jarohatlanganlarni shifoxonaga yetkazgan.
Rasmiy maʼlumotlarga ko‘ra, 25 kishi turli darajada jarohat olgan. Hodisa sabablari o‘rganilmoqda.
