Hindistonning Odisha shtatida yashovchi ayolga 4,6 metrli timsoh hujum qildi, deb xabar berdi Lenta.ru nashri.
Ayol uyi yonida joylashgan kanalda yuvinayotganda unga timsoh hujum qilgan. Ayolning baqirganini eshitgan qo`shnilar yordamga shoshilishgan. Ular timsohni bambuk tayog`i bilan haydashgan. Ayolning o`ng qo`li jiddiy jarohat olganligi sababli kasalxonaga yotqizilgan. Mahalliy aholi hukumatdan bunday ko`ngilsiz holatlarning oldini olishni talab qilmoqda.
