Eron AQShning iqtisodiy bosimini Tehronga qarshi ruhiy urushning bir qismi, deb hisoblashini va Vashingtonning barcha harakatlari befoyda ekanini ma`lum qildi, deya xabar qilmoqda Ria.ru nashri.
Mamlakat rahbari Hasan Ruhoniy Eronning cheklovlarga qaramay, o`z neftini sotishni davom etirishini ta`kidlagan. Shuningdek, Ruhoniy AQShning barcha sanksiyalarini chetlab o`tishini ham qayd etdi. Bunda Eron xalqi va jamiyatdagi birdamlik yordam beradi, deydi Hasan Ruhoniy. Eron tashqi ishlar vaziri Muhammad Javod Zarif esa jahon hamjamiyatini Qo`shma Shtatlar global tartibni buzishiga yo`l qo`ymaslikka chaqirdi. Ayni vaqtda xorijiy korxonalar esa Eronni tark etishmoqda. Bu esa aholi o`rtasida ishsizlikni oshiradi.
