"Vaqf" fondi rahbari Iskandar Xalilov Saudiya Arabistonidagi taniqli vatandosh Abu Yosir al-Buxoriy bilan uchrashdi.
Muloqotda fond rahbari so`nggi ikki yilda muhtaram Prezidentimiz tashabbusi bilan diniy qadriyatlarini asrab-avaylash va targ`ib etish borasida katta ishlar amalga oshirilgani, Islom sivilizasiyasi markazi, Xalqaro islom akademiyasi, Imom Buxoriy, Imom Termiziy kabi ilmiy-tadqiqot markazlari barpo etilgani, diniy ta`lim olish imkoniyati kengaygani va mo`min-musulmonlarga qulay sharoitlar tashkil etilgani haqida gapirib berdi.
Jumladan, davlatimiz Rahbari tashabbusi bilan tashkil etilgan “Vaqf” xayriya jamoat fondining o`tgan qisqa davrdagi xayriya ishlari va istiqboldagi loyihalari haqida batafsil ma`lumot berdi.
"Abu Yosir al-Buxoriy Saudiya Arabistonida yashaydigan o`zbek vatandoshlar so`nggi vaqtlarda yurtda bo`layotgan ijobiy o`zgarishlardan juda ham mamnun ekanlari, doimo xayrixohlik bildirib kelishlarini, “Vaqf” fondining faoliyatini o`zbek vatandoshlar qo`llab-quvvatlashga tayyor ekanini bildirdi", deya xabar beradi “Vaqf” xayriya jamoat fondi Matbuot xizmati.