Termiz shahridagi "Xalqaro yoshlar oromgohi"da tashkil etilgan "A`lo ta`til" dam olish va ijod oromgohida yurtimizning barcha hududlaridan kelgan 192 nafar o`quvchi maroqli hordiq chiqardi.
O`zbekiston yoshlar ittifoqi va Xalq ta`limi vazirligi hamkorligida tashkil etilgan loyihada fan olimpiadalari g`oliblari, chorakni a`lo baholarga tugatgan, darslarni namunali o`zlashtirayotgan o`g`il-qizlar orasidan saralangan a`lochi o`quvchilar ishtirok etdi, deb yozmoqda O`zA.
Oromgohda o`tkazilgan “Zakovat”, “Mening a`lo kasbim”, “Quvnoqlar va zukkolar”, “Intellekt” kabi qiziqarli loyihalarda o`quvchilar faol qatnashdi. Shuningdek, “Zamonaviy raqslar” festivali, qadimiy qadamjolarga sayohatlar o`quvchilarda unutilmas taassurot qoldirdi.
