Internet tarmog`ida yo`l harakati qoidalarini buzgani uchun to`xtatilgan haydovchining yo`l-patrul xizmati inspektoriga nisbatan noqonuniy hatti-harakatlari aks etgan video tarqalgandi. Toshkent shahar IIBB matbuot xizmati ma`lum qilishicha, voqea aslida 2017 yil yanvarida ro`y bergan.
2017 yil 18 yanvar kuni soat 21:30 larda Mustaqillik va Shahrisabz ko`chalari chorrahasida YPX inspektori Nexia avtomobili haydovchisini kamar taqmaganligi uchun to`xtatgan. Tekshiruv davomida haydovchining transport vositasini boshqarish uchun zarur hujjatlari yo`qligi ma`lum bo`lgan.
Jazodan qutulib qolish maqsadida haydovchi inspektorga qarshilik ko`rsatib, tan jarohatlari etkazgan.
Jinoyat ishlari bo`yicha Mirzo Ulug`bek tuman sudi uni Jinoyat kodeksining tegishli moddalari bilan aybdor deb topdi va unga 3 yil 6 oy ozodlikdan mahrum etish jazosi tayinlandi.