Hukumat qarori bilan Davlat o`rmon fondiga kirmaydigan erlarda daraxtlar va butalarni ekish, parvarish qilish, kesish hamda daraxtlarni xatlovdan o`tkazish tartibi to`g`risida nizom tasdiqlandi. Bu haqda Adliya vazirligining "Huquqiy axborot" kanali xabar berdi.
Nizom bilan davlat o`rmon fondiga kirmaydigan erlarda daraxtlar va butalarni ekish, parvarish qilish, butash, kesish, shu jumladan, sanitariya maqsadida kesish hamda daraxtlarni xatlovdan o`tkazish tartibi belgilandi.
Daraxtlar va butalarni ekish ularning turlari, iqlim sharoitiga moslashuvchanligiga, er osti suvlarining yaqinligi, erning sho`rlanish darajasi hamda sug`orish tizimi mavjudligiga qarab amalga oshiriladi.
2019 yil martgacha davlat o`rmon fondiga kirmaydigan erlardagi daraxtlarni xatlovdan o`tkazish bo`yicha metodik qo`llanma ishlab chiqiladi hamda 2019 yil iyun oyigacha davlat o`rmon fondiga kirmaydigan erlardagi daraxtlar to`liq xatlovdan o`tkaziladi.
Daraxtlarni xatlovdan o`tkazish har 5 yilda bir marta o`tkaziladi. Xatlovni o`tkazish uchun har bir hududda mahalliy davlat hokimiyati organlarining qarorlari qabul qilinadi. Xatlov o`tkazishda 100 yoshdan oshgan daraxtlar aniqlansa, ularni tabiat yodgorliklari sifatida muhofazaga olish uchun alohida reestr yuritiladi.
Sanitar maqsadida daraxtlar va butalarning shoxlari:
Daraxtlar va butalarni kesish, shu jumladan, sanitariya maqsadida kesish ishlari mahalliy davlat hokimiyati organlarining Obodonlashtirish boshqarmalari yoki ushbu turdagi xizmat ko`rsatishga ixtisoslashgan tashkilotlar tomonidan to`lov evaziga amalga oshiriladi.
Daraxtlar va butalarni yuridik va jismoniy shaxslar, shu jumladan tadbirkorlik sub`ektlari tomonidan kesish quyida keltirilgan to`lovlar asosida amalga oshiriladi: