Germaniya poytaxti Berlin shahrida boshlangan 84-xalqaro “Yashil haftalik – 2019” ko`rgazmasida O`zbekiston stendi namoyish etilmoqda.
Ko`rgazmada dunyoning 70 mamlakatidan 1 ming 600 dan ortiq ishtirokchi qatnashmoqda, deb yozmoqda O`zA.
Mamlakatimiz stendi O`zbekiston Tashqi savdo vazirligi va “O`zekspomarkaz” milliy ko`rgazmalar kompaniyasi tomonidan tayyorlangan. Unda yurtimizning iqtisodiy va eksport salohiyatiga keng o`rin berilgan.
O`zbekiston pavilonida tabiiy va qayta ishlangan meva-sabzavotlar, ziravorlar, sharob mahsulotlari, hunarmandlik buyumlari, shuningdek, milliy taomlar va yurtimiz sayyohlik salohiyati namoyish etilmoqda.
Ko`rgazma joriy yilning 27 yanvarigacha davom etadi.