Tallin hukumati eski kiyim-kechak yig`ish va qayta ishlashning o`ziga xos usulini topishdi: ko`chalarga maxsus konteynerlar o`rnatildi. Bir necha o`nlagan konteynerlar nafaqat eski ust-boshlarni, balki to`qimachilik mahsulotlari, o`yinchoqlar va oyoq kiyimlarini ham yig`adilar.
Shu kabi harakatlar chiqindixonalardagi chiqindilarning umumiy miqdorini kamaytiribgina qolmasdan, mamlakatning qayta ishlash sohasining ham faolligini oshirishi ko`zda tutilmoqda.
Topshirishdan oldin narsalarni tozalash lozim
Ikkilamchi xomashyoni qayta ishlash markazi rahbarining ta`kidlashiga ko`ra, yaxshigina daromad keltiruvchi bunday tajriba ko`pgina evropa mamlakatlarida mavjud. Har yili qayta ishlash sohasi og`ir va engil sanoatda foydalaniladigan «yashil» tolalar va materiallar ishlab chiqarish imkoniyatiga ega bo`lmoqdalar. Endilikda Tallin ham ilg`or evropa tajribasini qo`llashga qaror qildi.
Mahalliy hukumat aholi bilan mazkur konteynerlardan foydalanishning o`ziga xos xususiyatlari borasida tushuntirish ishlari olib bordilar:
1. ushbu konteynerlarga faqat toza kiyim-kechak, o`yinchoqlar va oyoq kiyimlarini tashlash mumkin;
2. ikkilamchi xomashyo nam yoki ho`l bo`lmasligi kerak;
3. eski elektr uskunalari, qadoqlash materiallari yoki organik chiqindilar tashlanishi tavsiya etilmaydi;
4. har bir chiqindi turi uchun (o`yinchoq, to`qimachilik mahsulotlari va sumkalar) konteynerda alohida seksiya mavjud.
Mahalliy hukumat a`zolari konteynerlarni gavjum hududlarga – bozorlar, yirik savdo markazlari, transport shoxobchalari va boshqa joylarga o`rnatdilar. Bu esa yangi «yashil» tashabbusning mahalliy xalq orasida kengroq ommalashishiga zamin yaratishi lozim.
Manba: http://roshlam.ru/
