Uzbekistan Airways Moskvaga yo`l olgan fuqarolarni noqulay ob-havo sharoitlari tufayli uchish reyslari kechiktirilishi mumkinligi haqida ogohlantirdi.
Aviakompaniya matbuot-xizmati Moskvaga yaqinlashib kelayotgan qor bo`roni va ob-havoning yomonlashayotgani tufayli fuqarolardan o`zlari uchishlari lozim bo`lgan reys jadvalini oldindan aniqlashtirib olishlari so`ramoqda. Uzbekistan Airways etkazilgan noqulayliklar uchun kechirim so`ragan.
Ilgariroq aviakompaniya o`zbekistonliklarni Rossiya Federasiyasining Veterinar va fitosanitar nazorati bo`yicha federal xizmati tomonidan O`zbekistondan kelayotgan yo`lovchilar bagaji va qo`l yukida o`simlik mahsulotlarini olib kelishga cheklov o`rnatilgani haqida ogohlantirgan edi.
Taqiqlangan mahsulotlar ro`yxatiga go`sht va sut mahsulotlari, kolbasa, sabzavot, meva, quritilgan mevalar, yong`oq va boshqa oziq-ovqat mahsulotlari kiradi. To`liq ro`yxati bilan quyida tanishishingiz mumkin.
