Fransiyaning Bastia shahrida otishma sodir etildi, deya xabar qilmoqda TASS nashri.
Ma`lumotlarga ko`ra, hodisa oqibatida 1 kishi halok bo`lgan va 6 nafar inson tan jarohati olgan. Mahalliy OAV tarqatgan xabarlarga ko`ra, hujumni 60 yoshli erkak sodir etgan. U ko`chada odamlarga qarab o`q uzgach, binolardan biriga kirib yashiringan. Hududga etib kelgan polisiya u bilan muzokara olib borishga uringan. Jinoyatchi avval ham sudlangan bo`lib, otishmani nima sababdan sodir etgani noma`lum.
