Gurlan tumanida yashagan, 1997 yilda tug`ilgan Boboxonov Murodali 2018 yil 31 dekabr kuni tungi paytda o`rtog`ining uyidan noma`lum tomonga chiqib ketib, bedarak yo`qolgan. Bu haqda Xorazm viloyati IIB matbuot xizmati xabar qildi.
2019 yilning 31 yanvar kuni Murodali Boboxonovning jasadi o`zi yashagan mahalladagi fermer xo`jaligining shudgor qilinib, sug`orib qo`yilgan dala maydonidan topilgan.
M.Boboxonovning tanasida tan jarohatlari aniqlanmadi. Sud tibbiy ekspertizasining xulosasiga ko`ra, u “organizmning past haroratda sovuq qotishi” natijasida vafot etganligi ma`lum bo`ldi.
Holat yuzasidan tekshiruv ishlari prokuratura organlari tomonidan olib borilmoqda.
