Bugun, 8 fevral kuni O`zbekiston Davlat san`at muzeyining tashkil etilganligining 100 yillik yubileyiga bag`ishlangan "Sirli avangard" ko`rgazmasi ochildi.
Taniqli rus va o`zbek avangard rassomlarining noyob asarlaridan tashkil topgan ushbu ko`rgazma ilk marotaba o`tkazilmoqda.
Ko`rgazmada Rossiya va Turkiston avangardlarining 120 dan ortiq rasmlari namoyish etiladi.
Davlat san`at muzeyining kolleksiyasida R. Falk, P. Kandinskiy, A. Exter, A. Osmerkin, K. Malevich, A.Lentulov, L.Popova va boshqalar kabi rus avangard rassomlarining asarlari o`rin olgan.
Yubiley tadbirlarining muhim voqeasi "O`zbekistonning jahon to`plamlarida madaniy merosi" loyihasi doirasida nashr etilgan "O`zbekiston davlat san`at muzeyining to`plami" kitob-albomining taqdimoti, shuningdek, muzey kolleksiyasi haqida video va hujjatli film taqdimoti bo`ladi.
O`zbekiston Davlat san`at muzeyi 100 yil oldin ochilgan va Markaziy Osiyodagi ilk muzeylardan biridir. Vaqt o`tishi bilan u mamlakatning etakchi madaniy, ma`rifiy va ilmiy markazlaridan biriga aylandi.
