Bugun, 15 fevral kuni “Saraton bilan kasallangan bolalar Xalqaro kuni” nishonlanmoqda. Bu kunda xayriya aksiyalari, bolalar onkologiyasi muammolari bilan tanishtiruvchi turli tadbirlar tashkil qilinadi.
Ana shu maqsadda O`zbekiston Milliy olimpiya qo`mitasi mutasaddilari, shuningdek, dzyudo bo`yicha xalqaro toifadagi hakam, Osiyo chempioni, Osiyo o`yinlari sovrindori va ko`plab xalqaro turnirlar g`olibi Ramziddin Saidov bugun Respublika ixtisoslashtirilgan ilmiy-amaliy onkologiya radiologiya markaziga tashrif buyurishdi. U erda onkologik kasallik bilan hastalangan bolajonlarning ko`nglini ko`tarish, ularga umid bag`ishlash maqsadida esdalik sovg`alari ulashildi.
«Sportchilar bunday tadbirlarda ko`p ishtirok etadilar. Ammo, men ushbu markazga ilk maroatab tashrif buyurdim. Biz bolajonlar va ularning ota-onalarini qo`llab-quvvatlash, muammolarni biroz bo`lsada yoddan chiqarishlariga yordam berish maqsadida ularga sovg`alar ulashdik. Bolalar tezroq sog`ayib ketib, ushbu koptoklarni o`ynashsin, sport bilan shug`ullanishsin va sog`lom bo`lishsin», – dedi Ramziddin Saidov.
Darhaqiqat, bugun onkologik markaz binosida haqiqiy bayram tashkil etildi. Bolajonlarni ko`llab-quvvatlash uchun nafaqat Olimpiya harakati ishtirokchilari, balki estradamiz yulduzlari, turli tashkilotlar vakillari ham tashrif buyurishdi.
«Saraton bilan kasallangan bolalar Xalqaro kuni”ni tashkil qilishdan maqsad – pediatr-shifokorlarning saviyasini oshirish, professional tibbiyot ahli, fuqarolarning ijtimoiy mas`uliyatini yuksaltirish va bolalar onkologiyasi haqida o`zaro fikr almashishdan iboratdir. Bolalar bizning kelajagimiz. Biz ularning sog`lom bo`lishlarini istaymiz. Afsuski, onkologik kasallikni dastlabki bosqichdayoq bilib bo`lmaydi. O`zbekistonda yiliga 3000 nafardan ortiq bolalar onkologik kasalliklar bilan og`riydi. Bugungi kunda markazimiz 60 nafar bolani qabul qila oladi. Bugun Milliy olimpiya qo`mitasi mutasaddilari ham bolalarimizni tabriklagani kelishganidan juda xursand bo`ldik», – dedi Respublika ixtisoslashtirilgan ilmiy-amaliy onkologiya radiologiya markazi direktori o`rinbosari Odiljon Ahmedov Muhammedjanovich.
Milliy olimpiya qo`mitasi saratonga chalingan bolajonlarning tezroq sog`ayib, sog`lom xayotga qaytishlarini tilaydi. Shu bilan birgalikda, ularni har tomonlama qo`llab-quvvatlash, ko`nglini ko`tarish, dardiga malham bo`lish uchun barcha keakli ishlarni amalga oshirga tayyor ekanligini ma`lum qiladi.
25.04.2024, 07:33
Xitoyning Xenan provinsiyasidagi chakana savdo tarmog`i asoschisi Yu Donglay xodimlarga ish va hayot muvozanatini yaxshilashga yordam berish uchun “baxtsiz ta`til” kunlarini joriy qildi, deb yozadi...01.04.2024, 16:31
Ijtimoiy tarmoqlarda Solixon domla nomi bilan tanilgan Solixon Ortiqxo`jaev 15 sutkaga qamaldi. Bu haqda Toshkent shahar sudlari Darakchi.uz ga xabar berdi.2024 yil 30 mart Toshkent...21.02.2024, 17:28
Xabaringiz bor, 2024 yil 1 fevral kuni “Pedagogning maqomi to`g`risida”gi Qonun imzolandi. Undagi pedagoglar uchun eng asosiy o`zgarishlardan biri – endi maktabga yangi ishga kirgan...13.02.2024, 09:36
Tvitterda Majin Bu taxallusi ostida yashiringan taniqli Apple insayderi yangi avlod iPhonelari haqida yangi ma`lumotlar bilan bo`lishdi. Insayder xabaridan ma`lum bo`lishicha, kompaniya bir vaqtning o`zida...