Surxondaryo viloyati bojxona boshqarmasi xodimlari navbatdagi bojxona qonunbuzilishi holatiga o`z vaqtida chek qo`yishdi.
Jumladan, “Boldir” temir yo`l chegara bojxona posti orqali, mamlakatimizga yo`lovchi poezdida kirib kelgan fuqaro H.Z. belgilangan tartibda bojxona nazoratidan o`tkazildi. Natijada, fuqaroning cho`ntaklarida bojxona xodimlariga ma`lum qilinmagan, O`zbekiston Respublikasida muomalasi cheklangan giyohvandlik vositalari ro`yxatiga kiruvchi “Tramadol 50 mg” nomli 20 dona kapsulalar borligi aniqlandi.
Hozirda mazkur holat yuzasidan jinoiy ish qo`zg`atilib, tergov harakatlari olib borilmoqda.
