Ma'lum qilinishicha, prezident Shavkat Mirziyoyevning 2025 yil 2 apreldagi «Yoqilg'i-energetika sohasida bozor mexanizmlarini joriy etishda ehtiyojmand aholini davlat tomonidan qo'llab-quvvatlashning qo'shimcha chora-tadbirlari to'g'risida»gi qaroriga muvofiq, ehtiyojmand oilalarga har oyda iste'mol qilingan elektor energiyasi va tabiiy gaz uchun davlat kompensatsiya to'lovlari berilib kelinmoqda.
Amaldagi tartibga ko'ra, kompensatsiya quyidagi hajmlar uchun to'lanadi:
— elektor energiyasi bo'yicha oylik bazaviy me'yor (200 kVt·soat) oshgan qismi uchun qo'shimcha 150 kVt·soatgacha;
— tabiiy gaz bo'yicha qish oylarida bazaviy me'yordan oshgan 250 kub metrgacha, boshqa oylarda esa 150 kub metrgacha bo'lgan iste'mol hajmi uchun.
Vazirlar Mahkamasining 2026 yil 15 maydagi 243-son qaroriga muvofiq, 2026 yil 1 iyundan yangi tariflar joriy etilishi munosabati bilan ehtiyojmand oilalar uchun ajratiladigan kompensatsiya miqdorlari ham oshiriladi. Yangi tartibga ko'ra, davlat tomonidan qo'llab-quvvatlash hajmi kengaytirilib, to'lovlar miqdori ko'paytiriladi.
