2 noyabr kuni Shohruhxon 54 yoshga to`ldi va tabiiyki, Bollivud yulduzining ijtimoiy tarmoqlardagi akkauntlari do`stlari va muxlislarining yaxshi tilaklariga to`lib toshgani aytilmoqda.
Biroq tabriklarning eng hayratlanarlisi dunyodagi eng baland bino “Burj Halifa”da taqdim etildi. Shanba oqshomida “Burj Halifa”da Xonga alohida ehtirom ko`rsatilib, bu binoda «Bollivud qirolining tug`ilgan kuni muborak!» yozuvi aks etdi. Shohruhxon bu kutilmagan tabrik uchun “Burj Halifa”ning asoschisi Muhammad Alabbarga minnatdorchilik bildirdi. U o`zining Tvitter sahifasiga: «Sizning mehr-muhabbatingiz beqiyosdir. Qoyil! Bu haqiqatan ham men ko`rgan eng baland bino. Dubay, seni sevaman”, – deb yozib qoldirgan.
