Bosh vazir hali qish kirmasdan turib, energoresurslar ta`minotida o`ta jiddiy muammolar paydo bo`lganini hamda metro va televidenieda elektr energiyasi bilan yuz bergan noxush holatlarni keskin tanqid qildi.
Bu haqda kecha, 28 noyabr kuni O`zbekiston Respublikasi Bosh vaziri Abdulla Aripov rahbarligida aholi va ijtimoiy soha ob`ektlarini energoresurslar — gaz va elektr energiya bilan ta`minlashdagi muammolarga bag`ishlangan videoselektor yig`ilishida gapirgan, deya xabar bermoqda «Xabar.uz».
«Bu sharmandali holat, – dedi Bosh vazir Abdulla Aripov. – Ommaviy axborot vositalari, internet nashrlar va ijtimoiy tarmoqlarda bu haqda aholining haqli e`tirozlari keng yoritilmoqda. Gaz va elektr energiya etkazib beruvchilar o`z ishlariga mas`uliyat bilan qarashmayapti. Mutasaddi rahbarlar shuncha salbiy holatlarga biron marta ommaviy axborot vositalari orqali tushuntirish yoki asosli javob bergani yo`q. Misol uchun, 27 noyabr kuni sutka davomida 110 kilovolt kuchlanishli 144ta liniyada jami 300 martadan ortiq cheklov amalga oshirilgan. Ushbu liniyalarda 1 yarim soatdan 5 soatgacha cheklov kiritilishi qanchalik adolatga to`g`ri keladi? Bu kabi holatlar natijasida aholi tomonidan nafaqat Energetika vazirligiga nisbatan, balki butun Hukumatga nisbatan e`tiroz paydo bo`lmoqda. 31 ming 413 ta holatda elektr energiyadan noqonuniy foydalanish holati aniqlangan, zarar miqdori esa 22 milliard so`mni tashkil qiladi. Gaz tarmoqlariga o`zboshimchalik bilan ulanish holatlari judayam ko`p. Natijada jabrini aholi ko`ryapti».
Bosh vazir, shuningdek, belgilangan reja asosida gaz iste`molchilarga etib bormaganini qoraladi. Energoresurslar tejamkorligiga e`tibor berilmayotgani, tushuntirish ishlari samarali bo`lmayotganini tanqid qildi.
21.04.2024, 16:18
1 maygacha hisob raqam to`ldirib qo`yilsa, elektr energiyasi va tabiiy gaz bo`yicha 2 oy mobaynida eski tarif amal qiladi. Bu haqda Energetika vazirligi xabar qildi. Yangi...
04.02.2023, 11:49
Turkmaniston prezidenti O`zbekistonni do`stona va birodarlik bilan qo`llab-quvvatlash maqsadida suyultirilgan gazni O`zbekistonga bepul o`tkazish bo`yicha farmon imzoladi. Bu haqdagi xabar mamlakat hukumati portalida e`lon qilindi. Ma`lum...
23.01.2023, 12:13
Sal avval anomal sovuq tufayli 12 yanvarda qo`shni mamlakatning tabiiy gaz qazib chiqarish konlarida yuzaga kelgan avariyaviy holat Turkmanistondan tabiiy gaz importining to`liq to`xtashiga sabab...
13.12.2022, 11:03
Qozog`iston gaz ittifoqini yaratish masalasini muhokama qilmadi, deb xabar qildi mamlakat energetika vazirligiga tayanib Ria Novosti. "Qozog`iston, Rossiya va O`zbekiston gaz tashish tizimlarining texnik imkoniyatlarini muhokama...
