“Qamchiq” dovonida avtotransport vositalarining harakati yo`lga quyildi, deya xabar berdi FVV.
Avval xabar qilinganidek, 2019 yil 21 dekabr kuni soat 08:00 da A-373 “Toshkent-O`sh” avtomobil yo`lining “Qamchiq” dovonida qor ko`chkisi havfi bo`lganligi sababli dovonda avtotrasport vositalarining harakati to`xtatilgan edi.
2019 yil 21-22 dekabr kunlari FVV, MV, IIV, “O`zavtoyo`l” davlat qo`mitasi, Toshkent viloyati Angren va Ohangaron shaxar, Ohangaron tumani hamda Namangan viloyatining Pop tumani hokimliklari kuch va vositalari tomonidan “Qamchiq” dovonining avtomobil yo`li qordan tozalandi.
“O`zgidromet” markazining qor ko`chkisi mavjud emasligi to`g`risidagi byulleteniga asosan, “Toshkent-O`sh” avtomobil yo`li “Qamchiq” dovonida joriy yilning 22 dekabr kuni soat 11:40 dan avtotransport vositalarining ikki tomonlama harakati yo`lga qo`yildi.
Yo`l transport hodisalari bilan bog`liq favqulodda vaziyatlarning oldini olish maqsadida, dovon hududida harakatlanishdan oldin quyidagi mutaxassis tavsiyalariga e`tibor qaratishingizni so`raymiz:
avtomobillarning texnik holatini to`liq ko`zdan kechirish;
dovon orqali etarli darajada yoqilg`i-moylash mahsulotlari bilan harakatlanish;
avtotexnikalarning qish mavsumida harakatlanish uchun maxsus shinalar bilan almashtirish;
haydovchilarimizning “Qamchiq” dovoni orqali harakatlanganda hushyorlikni yanada oshirishlari va yo`llarda to`xtab dam olishlari;
viloyatlararo yuk tashish bilan shug`ullanuvchi tashkilotlar, firmalar, xususiy tadbirkorlar tomonidan haydovchilar bilan profilaktik tadbirlar o`tkazilishi.
“Qamchiq” dovoni bo`yicha qo`shimcha ma`lumotlarni quyidagi telefon raqamlari orqali olishingiz mumkin:
“Qamchiq” Maxsus qidiruv-qutqaruv boshqarmasi navbatchilik qismi: (95) 146-87-08, (70) 662-72-49, (71) 212-70-07, (99) 837-29-38, 10-50.
