Ijtimoiy tarmoqlarda G.Ochilova va farzandlari tomonidan qilingan videomurojaati tarqalgan edi. Ushbu videomurojaat yuzasidan Bosh prokuratura tomonidan rasmiy bayonot berildi.
Ma`lum qilinishicha, G.Ochilova 18.11.2019 yilda Chinoz tumani prokurori va tuman IIB huzuridagi Tergov bo`limi boshlig`i nomiga ariza bilan murojaat qilib, unda shar`iy nikohidagi turmush o`rtog`i I.Mamayunusov 05.11.2019 yil 11:00 larda yashash xonadoniga bostirib kirib, farzandlari uydan chiqib ketganligi va yolg`izligidan foydalanib, uni bo`yniga pichoq tirab, o`ldirish bilan qo`rqitib unga tegishli bo`lgan 50.000 AQSh dollari va fuqarolik pasportini bosqinchilik yo`li bilan olib ketganligini ma`lum qilgan.
Ushbu holatda G.Ochilova sun`iy dalillarni vujudga keltirganlik va I.N.Mamayunusovni o`ta og`ir jinoyat sodir etganlikda ayblab, yolg`on xabar berganligi aniqlangan.
I.Mamayunusovni himoyachisi tomonidan taqdim qilingan diskda G.Ochilova voyaga etmagan 23.03.2017 yilda tug`ilgan voyaga etmagan farzandi Yo.Nimatjanovani ojiz ahvoldaligi va o`zini himoya qilish imkoniyatiga ega emasligi o`ziga ayon bo`lgan holda, muttasil ravishda, otasi uni yaxshi ko`rmasligi, uni etim ekanligi, hech kimga kerak emasliginini aytib, ruhiy tazyiq o`tkazib, qo`llari bilan tanasining turli qismlariga urib jismoniy azob berib, qiynoqqa solib kelganligi aniqlangan.
Bu erga video joylashtiriladi.
G.Ochilova 24.12.2019 yilda JKning 110-moddasi 2-qismi “a,v” bandlari, 237-moddasi 2-qismi “b,g” bandlari 237-moddasi 2-qismi “a,b,g” bandlari va 238-moddasi 3-qismi “b” bandi bilan gumon qilinuvchi tariqasida ishda ishtirok etishga jalb qilinib, JPKning 227-moddasi tartibida ushlandi hamda 26.12.2019 yilda unga nisbatan “qamoqqa olish” ehtiyot chorasi qo`llanilgan.
27.12.2019 yilda Chinoz tumani XTB vasiylik va homiylik organi tomonidan voyaga etmagan Yo.Nimatjanovaning manfaatida G.Ochilovaga nisbatan onalik huquqidan maxrum qilish to`g`risida da`vo ariza kiritilgan.
Shuningdek, 27.12.2019 yilda O.Ochilovga nisbatan JKning 164-moddasi 3-qismi “b” bandi bilan sirtdan ayblov e`lon qilinib, “qamoqqa olish” ehtiyot chorasi qo`llanilgan hamda O.Ochilovga qidiruv e`lon qilingan.
08.05.2019 yil kuni soat taxminan 11:00 larda voyaga etmagan 23.03.2003 yilda tug`ilgan Ismoilov Jamshid (G.Ochilovani bosh farzandi) Chinoz tumanida joylashgan 6-sonli umumiy o`rta ta`lim maktabda jamiyatda yurish turish qoidalarini mensimasdan, 11-sinf o`quvchisi Ergashev Sardor bilan o`zaro kelishmovchilik oqibatida janjallashib, janjal natijasida pichoq bilan S.A.Ergashevni bel sohasiga bir marotaba urib tan jarohati etkazgan.
Mazkur holat yuzasidan voyaga etmagan J.Ismoilovga nisbatan JKning 277-moddasi 2-qismi “v” bandi bilan jinoyat ishi qo`zg`atilgan va gumonlanuvchi sifatida ishtirok qilishga jalb qilinib, tergovga keltirish choralari ko`rilmoqda.
Hozirda jinoyat ishi bo`yicha dastlabki tergov harakatlari Toshkent viloyati IIBB huzuridagi Tergov boshqarmasi tomonidan olib borilmoqda.
