Buxoro viloyati IIB YHXB yo`l-patrul xizmati inspektori safdor A.F.ning “Obid” ismli shaxs “Haydovchilik guvohnomasi” olish uchun o`tkaziladigan imtihonlarda ikki nafar tanishlariga yordam berish evaziga 200 AQSh dollari miqdorida pora taklif qilganligi haqidagi bildirgisiga asosan o`tkazilgan tezkor tadbirda, 2019 yil 25 dekabr kuni soat 10.30da “Obid” ismli shaxs viloyat IIB YHXB binosi yon tomonida joylashgan avtosalon oldida o`z boshqaruvida bo`lgan “Neksiya-3” rusumli avtomashina salonida safdor A.F.ga 1.800.000 so`m pullarni pora sifatida berayotgan vaqtida tadbir ishtirokchilari tomonidan ushlanib, holat tegishli tartibda rasmiylashtirilgan.
Tekshiruv davomida, “Obid” ismli shaxs Romitan tumanida yashovchi, 1974 yilda tug`ilgan fuqaro S.O ekanligi, uning akasi S.R 2019 yil sentyabr oyining o`rtalarida fuqarolar H.Sh va Sh.H.lar unga “Haydovchilik guvohnomasi”ni olish uchun bo`ladigan imtihonlardan o`tkazib berish evaziga 1.200.000 so`mdan jami 2.400.000 so`m pullarni berganliklari, S.R ushbu pullardan 400.000 so`mini o`zida saqlab, qolgan 2.000.000 so`mini ukasi S.O.ga berganligi, o`z navbatida S.O 2019 yil dekabr oyining o`rtalarida akasi S.Rdan olgan 2.000.000 so`m pullardan 200.000 so`mini o`zida saqlab, qolgan 1.800.000 so`mini safdor A.F.ga berganligi aniqlangan.
Mazkur holat yuzasidan Buxoro shahar prokuraturasi tomonidan H.Sh va Sh.H.larga nisbatan O`zbekiston Respublikasi JKning 28,211-moddasi 1-qismi bilan, S.R.ga nisbatan JKning 168-moddasi 2-qismi “b” bandi va 28,211-moddasi 1-qismi bilan, shuningdek, S.O.ga nisbatan JKning 168-moddasi 2-qismi “b” bandi va 25,28,211-moddasi 1-qismi bilan jinoyat ishi qo`zg`atilib, hozirda dastlabki tergov harakatlari olib borilmoqda.
