Avval xabar berganimizdek, ayni paytda Qashqadaryo viloyati IIB binosida Chiroqchi tumanida yashovchi 32 yoshli erkak A.Yu.ning tuman IIB xodimlari tomonidan olib ketilgani va boshqarma binosidan murdasi chiqqani yuzasidan brifing bo`lib o`tmoqda.
Mazkur voqea yuzasidan berilgan ma`lumotlarga ko`ra, 23 yanvar kuni tuman prokuraturasi tomonidan JK 206-moddasi 1 qismi bilan jinoyat ishi ochilib, ayblanuvchi tariqasida ikki nafar IIB xodimi qamoqqa olingan.
Hozirda tergov harakatlari va IIB xodimlarining harkatlariga ustidan xizmat tekshiruvi olib borilmoqda. Shuningdek, marhumning o`limi sababini aniqlash uchun sud-ekspertizasi tayinlangan. Barchasi tergov davomida aniq bo`ladi va qonuniy qaror chiqariladi, deya ma`lum qildi viloyat prokuraturasi xodimi.
IIV matbuot xizmati rahbari Sh.G`iyosovning qayd etishicha, 23 yanvar kuni viloyat IIBda mazkur voqea yuzasidan matbuot anjuman bo`lgan. Biroq, tergov siri va huquqiy tomonlama ish hali to`liq o`rganib chiqilmagani uchun tafsilotlar oshkor qilinmagan. Tez fursatda hodichsa intenetda turli izohlar orqali shov-shuv bo`lib ketganiga to`xtalar ekan, “Voqea haqida dastlabki xabarni bermaganimiz bu bizning aybimiz", — deydi Shohruh G`iyosov.
Shuningdek, ma`lum qilinishicha, ushbu voqea ortidan viloyat IIB boshlig`ining birinchi o`rinbosari Samad Turdiev ishdan ketgan. Ish bo`yicha qanday qaror chiqqani IIV matbuot kotibiga ma`lum.
“Ammo, bu qarorni bir haftadan so`ng, vazir xulosasi bilan aytamiz” dedi IIV Matubuot kotibi.
