Бугун, 24 октябрь куни Хабиб Нурмагомедов ва Жастин Гейжи Абу-Дабида жанг ўтказадилар. Жанг UFC 254 турнири доирасида бўлиб ўтади.
Жангчилар енгил вазн тоифасида куч синашишади. Турнир Тошкент вақти билан соат 19:30да бошланади.
Оқшомнинг асосий жанги соат 23:00 атрофида бўлиши кутилмоқда. Таъкидлаш жоизки, бу Хабибнинг отаси вафотидан кейинги биринчи жанги. Илгари россиялик жангчи ҳар доим Абдулманап Нурмагомедов кўмагида жанг қилган.
Шунингдек, UFC 254 кечаси доирасида ўзбекистонлик аёл ММА жангчиси Лилия Шокирова UFCда дебют қилади. 24 октябрь куни бўлиб ўтадиган жанг оқшомида унга америкалик Лорен Мёрфи рақиблик қилади.
Жанг олдидан иккала спортчи иштирокида face-to-face маросими бўлиб ўтди. Лилия рақибини шу ердаёқ қўрқитиб қўйишга ҳаракат қилган.
