Италиянинг Милан шаҳри архиепископи мактабларда ислом динига оид байрамларини нишонлашни таклиф қилди. Бу ҳақда “Вести” нашри хабар бермоқда.
Унинг сўзларига кўра, ҳозирда ўрта- умумтаълим муассасаларидаги 20 фоиз ўқувчилар чет элликлар ҳисобланади. Демак, сиёсатга инклюзивлик киритишнинг айни фурсати. Бу эса Италия жамиятига ўз урф-одатларидан воз кечмаган ҳолда бошқа диний маросимларни ҳам киритишни ўз ичига олади. Архиепископ мактабларда мусулмон байрамлари ҳақида сўзлаб беришни таклиф қилган. Уларни нишонлаш эса мактабларда ислом динига эътиқод қилувчи ўқувчилар 30 фоизга етганида бошланади.
