Голливуднинг энг чиройли ва намунали оиласи дея тан олинган Брэд Питт ва Анжелина Жолининг ажрашиши сўнгги кунлардаги энг шов-шувли янгиликлардан бири бўлди. Кутилаётган ажримнинг сабабини АҚШ ОАВлари турлича изоҳламоқда, деб хабар беради "1News.az".
Шундай қилиб, айрим ОАВларнинг хабар беришича, шу вақтга қадар Жоли ва Питнинг ажралишига Анжелинанинг чидаб бўлмас феъл-атвори сабаб қилиб кўрсатилган эди. Аслида эса вазият тамомила бошқача.
Жоли никоҳ шартномасини имзолашдан аввал, агар турмуш ўртоғи Брэд Питт унга хиёнат қилгудек бўлса, болаларга оталик қилиш ҳуқуқидан маҳрум этилишини шарт қилиб қўйган эди.
Маълумотларга кўра, ажрашишга Жолининг кениялик актриса Люпита Нионгодан эрини рашк қилиши сабаб бўлган. 50 ёшли Брэд Люпита бош рольни ижро этган “12 йил қулликда” фильмининг продюсери эди.
Ўтган йилда бўлиб ўтган Киноактёрлар Гильдияси мукофотини топшириш маросимида Брэд кениялик актрисани бир дақиқа ҳам ёлғиз қолдирмагани Жолини шубҳалантирган.Маросимдан кетаётган пайтда Жолининг кайфияти ўта тушкун, дарғазаб бўлган.
Кейинроқ эса Брэд ва Люпита Питнинг компанияси Plan томонидан суратга олинадиган драмада яна бирга ҳамкорликда ишлаши маълум бўлган эди. Янги драматик фильмда кениялик актриса продюсер ва бош роль ижрочиси сифатида намоён бўлади.
