Доминикан Республикасидан Россия пойтахти Москвага учаётган “Боинг-777” самолёти авариявий қўнишни амалга оширди. Бу ҳақда “Lenta.ru” хабар бермоқда.
Маълумотларга кўра, ҳаво лайнери техник носозлик сабаб Пунта-Кана аэропортига қайтиб қўндирилган. Гувоҳларнинг айтишича, самолёт двигателларидан бири ёниб кетган.
“Боинг-777” Пунта-Канадан Москва вақти билан 03:30 да ҳавога кўтарилган. Лайнер 5 километрча баландликка кўтарилгач, унинг бир двигаетли ёна бошлаган.
“Ҳаво лайнери командири бортдаги техник носозлик ҳақида хабар берди ва аэропортга қайтиб, авариявий қўнишга рухсат сўради”, — дейилади хабарда.
Дастлабки маълумотларга кўра, самолёт йўловчилари эвакуация қилинган, жабрланганлар йўқ.
