«Қўшниларимиз уйини ижарачиларга беришганди. Ижарачиларнинг эътиборсизлиги оқибатида сувараклар кўпайиб, бизнинг хонадонларимизга ҳам ўтиб кетяпти. Биз уларнинг уйига СЭС ходимларини текшириш учун чақиришимиз мумкинми?»
Резеда Хайруллина, Тошкент.
Республика Давлат санитария-эпидемиологя назорати бош врачи Б. АЛМАТОВ жавоб беради:
- Уйларни, квартираларни текшириш, санэпидхизмат мутахассислари ваколатига кирмайди. Бу масала бўйича тегишли чора кўриш ёки огоҳлантириш учун домкомларга, ХУМШ ёки яшаш жойидаги маҳалла фуқаролар йиғинларига мурожаат қилиш керак.
