Финляндия ҳукумати 74 ёшли россиялик аёл Людмила Маркиановани депорт қилади. Бу ҳақда “Gazeta.ru” хабар бермоқда.
“Маркианова касал. У турмуш ўртоғининг вафотига қадар яъни 2013 йилгача Россияда яшаган. Сўнг ягона фарзанди— 20 йилдан бери Финляндияда яшайдиган қизиникига кўчиб келган. Унга ҳозирда финляндиялик куёви қарайди.Финляндия миграция хизмати ҳозирда Маркиановани Петрозаводск шаҳрига депорт қилиш ҳақида қарор қабул қилди, маъмурий суд қарорни маъқуллади”,— дейилади хабарда.
Маълум бўлишича, кекса россиялик аёлнинг қизидан бошқа яқин қариндоши йўқ. Шунинг учун унинг қизини бу қарор ташвишга солмоқда.
Финляндия ҳукумати кекса она вояга етмаган фарзандлар учун яқин қариндош ҳисобланмаслиги, шунинг учун аёлга мамлакат ҳудудида яшашга рухсатнома бериш учун асос йўқлигини таъкидламоқда.
ОАВларнинг хабар беришича, Маркианова Алцгеймер хасталигига чалинган. Бировнинг кўмагисиз ҳаракатлана ва овқатлана олмайди.
