Аргентинанинг Буэнос-Айрес провинциясининг Санта-Тереза курорти дам олувчилари кичкина делфинни селфи тушишга мажбурлаганларидан сўнг, у нобуд бўлди. Бу ҳақда Metro нашри хабар бермоқда.
Маълум бўлишича, кичкина дельфинчани бир тўда дам олувчилар ўраб олиб, уни эркалатишган ҳамда селфи тушишган. Дельфинча эса сувсизликдан нобуд бўлган. Ҳатто шундан сўнг ҳам унинг ўлганини пайқамай дам олувчилар дельфинни суратга олишда давом этган.
Мазкур ҳодиса Wildlife Foundation in Argentina ҳайвонларни ҳимоя қилувчи ташкилотини ташвишга солган. Ташкилот вакилларининг айтишича, нобуд бўлган дельфин франциск дельфинлари туркумига мансуб бўлган.
“Мазкур турдаги дельфинлар қолган барча дельфинлар каби сувсизликка узоқ муддат чидолмайди. Уларнинг териси ўта қалин ва ёғли бўлади. Шунинг учун ҳам сувсизликда улар тезда нобуд бўлади”, —дейди ташкилот ходимлари.
Ташкилот ходимлари соҳилда қолиб кетган дельфинларни кўрган заҳотиёқ уларни сувга қайтариш лозимилигини дам олувчиларга тушунтирди.
