Мен яқинда олий ўқув юртини тугатиб, мактабда иш бошладим. Айтингчи, таълим муассасаларида ўқитувчилар раҳбарлик қилаётган гуруҳлари учун гуруҳ раҳбарлик штати белгиланганми?
Ў. Сафаров, Шаҳрисабз шаҳри
Зайниддин ХУДОЙБЕРДИЕВ, Ўрта махсус, касб-ҳунар таълими маркази директорининг ўринбосари:
— Таълим муассасаларида гуруҳ раҳбарлиги учун алоҳида штат ташкил этилмаган, лекин Вазирлар Маҳкамасининг “Ўрта махсус, касб-ҳунар таълими муассасалари ходимлари меҳнатига ҳақ тўлаш тўғрисида”ги Низомида Ўрта махсус, касб-ҳунар таълими ходимларига устамалар ва қўшимча тўловлар базавий таъриф ставкасига қўшимча тўловларнинг турлари белгиланган. Унга кўра:
- гуруҳ раҳбарлиги учун – энг кам ойлик иш ҳақининг 100 фоизи
- ёзма ишларни текшириш учун – энг кам ойлик иш ҳақининг 50 фоизи
- ўқув ва лабаратория кабинети мудирлиги учун – энг кам ойлик иш ҳақининг 50 фоизи миқдори қўшимча тўлов тўланади.
