Яхши шифокор маълум дардларнинг давосини биладиган, агар ўзига номаълум касаллик бўлса, беморга ёрдами тегадиганларни чақирадиган кишидир.
Жан де Лабрюйер
***
Айрим дори-дармонлар дарднинг ўзидан кўра ҳам хавфлироқдир.
Сенека
***
Доно одам дардига малҳам қидириб юргандан кўра, касалликни ўзига йўлатмайди.
Томас Мор
***
Меҳнат билан меъёр — инсоннинг энг содиқ шифокори мана шу: меҳнат иштаҳани очади, нафсни тийиш эса, иштаҳани суиистеъмол қилмасликка гаров бўлади.
Жан-Жак Руссо
***
Энг яхши дори - ҳордиқ ва нафсни тийишдир.
Бенджамин Франклин
***
Кишининг кучдан қолиши емирувчи йиллар касри эмас, кўпинча бебош ёшликнинг асов ғалаёнлари оқибатидир. Ёшликдаги маиший тийиқсиз нафс кексаликка шалвираган танани ҳадя этади.
Цицерон
***
Ҳеч ким умри қисқа бўлиб туғилмайди, уни ўзимиз қисқартирамиз. Умримиз тугал, аммо уни биз елга совурамиз. Агар оқилона фойдаланилса, умр жуда узоқ давом этади.
Сенека
***
Бахтимизнинг ўндан тўққиз улуши соғлигимизга боғлиқ.
Артур Шопенгауэр
***
Жисман бақувват одам иссиққа ҳам, совуққа ҳам бардош беради. Худди шунингдек, руҳан тетик одам ғазабга ҳам, қайғуга ҳам, шодликка ҳам, бошқа кечинмаларга ҳам чидайди.
Эпиктет