АҚШ қуролли кучлари зарурат туғилса, Корея Халқ Демократик Республикасининг ядро кучларига зарба бериб, уларни йўқ қилишга тайёр эканлигини билдирди. Бу ҳақда “Lenta.ru” хабар бермоқда.
Мазкур қарорни Америка мудофааси вакили эълон қилган.
КХДР раҳбари Ким Чен Ин мамлакат ядро кучлари ҳар дақиқада душманга зарба беришга тайёр туриши кераклигини эълон қилганидан сўнг, Пентагон Шиомлий Корея ядро кучлари туғдирадиган хавфнинг паст даражада эканлигини маълум қилди.
“АҚШ ҳукуматининг вазиятга берган баҳоси ўзгаришсиз қолади. Биз Шимолий Корея томонидан ядро қуроли ва уларнинг баллистик ракеталар билан таъминланганлигини намойиш этганини кўрмадик”, —деди у.
Маълумот учун, бундан аввал Шимолий Корея етакчиси Ким Чен Ин КХДР ядро қуролларини исталган вақт ишлатишга тайёрлаб қўйишни буюргани ҳақида хабар берган эдик.
