Сергей Лазаревнинг “You are the only one” (“Сен — ягонасан”) клипи YouTube тармоғида бир суткада миллион марта томоша қилинди. Бу ҳақда “Lenta.ru” хабар бермоқда.
Мазкур қўшиқ билан Сергей Швецияда бўлиб ўтадиган “Евровидение” танловида иштирок этади.
Клипнинг расмий тақдимот маросими 5 март куни “Россия” каналида ўтказилди. Эфирдан сўнг клип ёзиб олиниб, YouTube тармоғига жойлаштирилди.
“Мен бу қўшиқни жону-дилим билан севиб қолдим. Бу қўшиқ мени ‘Евровидение’да иштирок этишга розилик билдиришга ундади. Мен саккиз йил давомида бу танловда иштирок этиш таклифларини рад этиб келдим”,— деди хонанда.
Мазкур қўшиқни яратишда Филип Киркоров ва халқаро бастакорлар гуруҳи, жумладан грециялик Димитрис Контопулос ҳам иштирок этди.
