Ҳиндистоннинг Мумбай шаҳрида нигериялик ўз ватандошини дунёнинг энг яхши футболчиси Лионель Месси ёкиКриштиану Роналду эканлиги ҳақидаги баҳсдан сўнг ўлдириб қўйди. Бу ҳақда “Lenta.ru” хабар бермоқда.
Нигериялик икки фуқаро ўртасидаги жанжал улардан бирининг туғилган куни муносабати билан ташкил этилган кечада келиб чиқди. Туғилган кун соҳиби қизишиб кетиб, меҳмонга стакан улоқтирди. Роналдунинг мухлиси бўлган меҳмон эса стакан синиқларини олиб, дўстини бир неча марта жароҳатлаган ва қочиб кетган.
Нигериялик фуқаро воқеа жойида вафот этган. Қотилликда гумонланаётган шахс Ҳиндистон полицияси томонидан қўлга олинган.
