Жанубий Американинг Патагония ҳудудида одам ва пингвин ўртасидаги ноёб муносабат қайд этилди.
Мана беш йилдирки маҳаллий Жуан Перейра де Соуза исмли фуқаро 2011 йилда ўзи қутқарган Диндим лақабли пингвинни меҳмонга қабул қилади. Диндим эркакдан беш минг километр узоқда яшайди, деб ёзади Independent.
Пингвин Жуан Перейро де Соузанинг ёнида июндан февралга қадар бирга яшайди, кейин эса яна ортга қайтади.
Эркакнинг ҳикоя қилишича, 2011 йилда нефть қоплаб олган пингвинни Рио-де-Жанейро қирғоқлари бўйида ўлим билан олишаётган ҳолатда кўриб қолган ҳамда Диндимни ювиб, даволаган.
"Шундан бери пингвин мени оила аъзосидай кўради шекилли, мендан бошқа ҳеч кимга қўл текказдиртирмайди. Мен эса уни қўлга олишим, овқатлантиришим, ювинтиришим мумкин", — дейди Патагония ҳудудининг вакили.
